Empl. pronom. "Se mettre au service de qqn, se louer" : ...lequel et elle se feussent pieça allouez ou acuillis à certain temps avec le conte de Ronnay, pour le servir et gaigner leur povre vie et de leurs petis enfans (Doc. Poitou G., t.7, 1405, 85).

D'aguet appensé /en aguet appensé/d'aguet précogité. "Par agression préméditée, dans un guet-apens prémédité" : ...quant pluiseurs personnes estoient à faire aucun murtre ou autre crime capital, les dessus dis eschevins ne condempnoient criminelment que l'un des dis malfaiteurs qui le fait advooit, dont pluiseurs inconveniens sont ensievy, advisé est que toutezfois que aucun tel fait sera fait d'aguet appensé ou de certain propoz, tous en seront pugni criminelment. (Hist. dr. munic. E., t.1, 1379, 397). Voire si ce estoit en meslée : mes si ce estoit en aguet appensé, il seroit pugni tant comme homicide. (Cout. instit. Anjou Maine B.-B., t.1, 1385, 208). ...comme le dit fait soit avenu par chaleur et grant courroux, et pour l'amour naturele que le dit suppliant avoit à son dit cousin, ou autrement par temptacion de l'ennemi, et non pas d'aguet precogité (Doc. Poitou G., t.7, 1417, 315).

Empl. pronom. "Se placer au service de qqn et à ses gages" : ...lequel et elle se feussent pieça allouez ou acuillis à certain temps avec le conte de Ronnay, pour le servir et gaigner leur povre vie et de leurs petis enfans (Doc. Poitou G., t.7, 1405, 85).

"Préparer des aliments pour la consommation, cuisiner" : ...le dit Guillaume dit à sa dicte femme qu'elle apparillast un oison qu'ilz avoient, ou autre viande telle qu'elle pourroit avoir à souper pour eulz et le dit Huguet, escuier (Doc. Poitou G., t.5, 1385, 273). Et encore fist appareiller le dit Jehannot une XII d'eufs à un autre hostel du dit Colin, où il faisoit sa demourance, qui est distant dudit hostel où il vendoit le dit vin d'une versane ou environ. (Doc. Poitou G., t.7, 1411, 207).

MÉD. Appareiller qqn. "Traiter, soigner qqn" : Et ce fait, vint un mire ou cirurgien qui appareilla et lia la jambe du dit Jehan Lainsné, mais assez tost après ycellui Lainsné la se fist deslier. Et depuis par faute de bon gouvernement ou autrement, par la voulenté de Dieu, vint en la dicte jambe une maladie que l'en appelle le mal Saint Messent, et d'icelle maladie et ferure le dit Jehan Lainsné jut au lit malade (Doc. Poitou G., t.5, 1379, 123). ...du quel cop, tant par son petit et mauvais gouvernement, comme par ce qu'il ne fu pas bien appareillié de sa playe, quinze jours après ou environ, mort s'en ensuy en sa personne (Doc. Poitou G., t.7, 1410, 178). ...pour ce lui mandoit qu'il [Chardot Honfroy, barbier et chirurgien] alast parler a lui esdis bois, pour l'appareillier de sondit mestier (Chancell. Henri VI, L., t.1, 1425, 249).

DR. "Assigner à comparaître en justice" : ...combien que il ne (...) sceut cas, ne malefaçon par quoi il le peust (...) approuchier ne accuser. (Conf. Jug. Parlem. Paris L.L., 1332, 58). ...que le dit absolz ou condempné ne soit en oultre molesté ne trais à amende civille ou corporelle, prins, arestés ou emprisonsnés, approchiés ou poursievis par adjournement (Hist. dr. munic. E., t.2, 1347, 103). ...pour souspeçon du dit cas, les dessus nommez ou aucuns d'eulx furent approuchiez en la court dudit lieu de Buxieres, et aprez pluseurs delais furent licenciez de court. (Doc. Poitou G., t.7, 1406, 90).

"Meuble de rangement en forme de caisse, coffre" : ...et entrerent tous ou dit hostel et rompirent aucuns coffres ou arches où il ne trouverent riens. (Doc. Poitou G., t.6, 1398, 294). ...il entra en icelluy hostel, ou quel n'avoit lors aucune garde, rompi à force une arche qui estoit fermée de clef et y prist quinze linceoux, trois touaillez, neuf touaillons, trois ceuvrechiez, deux chapperons, trois poupées de lin, un sac, une bourse vuide, une petite clef et une piece de toile (Doc. Poitou G., t.7, 1415, 278).

Port d'armes. "Attaque, coup de force fait inopinément" : Nous, acertainez des bons et agreables services que les diz exposans nous ont faiz et à noz predecesseurs ès dictez guerres, et de la vraie amour et parfaite loyauté, que il ont eue à nous, à noz predecesseurs et à la couronne de France, aux diz exposans, leurz complices (...) pardonnons, de nostre grace especial, auctorité royal et certaine science, le port d'armez et tous les cas dessus diz avec toute offense (Doc. Poitou G., t.3, 1367, 350). Pour lequel cas, ou quel l'en dit nostre sauvegarde avoir esté enfrainte, port d'armes, force publique et ravissement dampnables avoir esté commis et perpetrez, procès a esté meu et pend par devant nostre bailli de Touraine (Doc. Poitou G., t.7, 1412, 226).

"Métier des armes" : ...le dit Regnault a tousjours frequenté et suivy les armes, en la compaignie de monseigneur le connestable derrenierement trespassé et de pluseurs autres chivetaines et cappitaines de guerres (Doc. Poitou G., t.7, 1408, 141).

JEUX. Asseoir les dés. "Lancer les dés de manière à éviter qu'ils ne roulent (dans l'intention de tricher)" : ...et incontinent prist ycelui Andrieu en sa bourse deux dez et les gecta sur la table, dont ilz se prinrent à jouer, et gaigna le dit Jehan Tassé une pinte de vin du dit Andrieu, la quelle en la presence il lui voult faire paier, mais ycelui Andrieu le contredist, disant qu'il avoit assis les dez (Doc. Poitou G., t.7, 1404, 48).

Asseoir qqn à qqc. "Soumettre qqn à (une imposition)" : ...pour certaines causes à ce nous mouvans, nostre entencion n'est pas que au dit ayde soient assiz ne imposez noz amez et feaulx conseillers les presidens, conseilliers, greffiers et notaires servans en nostre Parlement à Poictiers, et noz advocat et procureur general, et noz huissiers ou dit Parlement, et pour ce les en exemptons par ces presentes. (Doc. Poitou G., t.7, 1423, 401). ...ce neantmoins vous estes efforcez les fere asseoir et imposer es tailles, emprunstz et autres subsides de nostre ville de Lyon (Lettres Ch. VIII, P., t.1, 1485, 76).

Tenir des assises : ...nostre seneschal de Poictou ou son lieutenant pourra tenir et tendra en la dicte ville de Niort noz assises et juridicion d'aucuns noz hommes feaulx, vasseurs, chastellains et autres tenens de nous autrement que à cause de la dicte chastellenie de Nyort, de nostre conté de Poictou, lesquelx ont accoustumé avoir leur ressort au siege et auditoire du dit Nyort, pour l'aise d'eulx et de leurs hommes. (Doc. Poitou G., t.7, 1423, 407).

"Petit couteau" : ...le dit Jehannot, moult couroucié et dolent, tira un petit coustel appellé bastardeau qu'il avoit en sa gayne, et en frappa sa dicte femme par deux foiz (Doc. Poitou G., t.7, 1405, 75).

[D'un vin] : ...est ordonné sur le pris du vin, que pipe de vin de pineau le meilleur ne sera vendu oultre C. solz et au dessoubz. (...) Item, le pot du meilleur vin claret et blanc, oultre VIII. d. (...) Item, la houle de sel, oultre XX. d. (Doc. Poitou G., t.7, 1422, 381). ...notre seigneur le roy l'avoit mandé à Gardane pour comprer de vendenge et faire de vins de plusieurs couleurs, c'est assavoir : blancs, rouges, cleres et tannés (Comptes roi René A., t.3, 1472, 294).

JEUX. "Point matériel donné comme objectif à atteindre, but" : ...regardant ylec jouer aux boules, soubz les galeries d'un hostel, un nommé Pierre Lourdel, dit Fagot, et autres avec lui, le dit suppliant eust gagié ou parié par plusieurs foiz à autres compaignons regardans aussi le dit jeu, que icelui Pierre Blondel [sic] gangneroit ou yroit plus près de la bonne que les autres joueurs de sa compaignie. (Doc. Poitou G., t.7, 1427, 435).

Jeu de bouclier. "Jeu d'armes consistant en un simulacre de combat" : ...et lors ycelui suppliant print et tray le boucler dont il avoit joué au dit jeu de boucler pour resister aus cops des pierres que le dit Chevaignon lui gectoit et ruoit ; lequel boucler le dit Chevaignon froissa et rompi des coups des pierres qu'il rua et gecta contre ycelui suppliant, et avecques le frappa d'une douelle de tonneau par le visage au dessus de l'ueil (Doc. Poitou G., t.7, 1406, 100).

Jouer du bouclier. "Pratiquer le jeu du bouclier" : Et lors en ce disant, pour ce que le dit Bourdoiz le suivoit très fort, en soy demenant sur lui de sa dicte dague, sacha icelui Frelon, qui avoit assez bien beu, un petit coustel trenchepain qu'il portoit à sa sainture, et s'en prist semblablement à esmoucher et demener contre le dit Bourdoiz, et telement que en eulx ainsi demenant l'un contre l'autre, aussi que s'ilz voulsissent jouer du boucler (Doc. Poitou G., t.7, 1404, 33).

"Panier d'osier" : ...ilz avoient esté desrobez de vint et cinq linceoux, douze touailles, huit touaillons, huit cuevrechiez, une borroche de jonc plaine de poupées de lin, et du lin filé et à filer, et vaisselle d'estain, certain nombre d'argent et troiz sacs (Doc. Poitou G., t.7, 1415, 279). Et adonc icelluy suppliant respondi que non feroit, en disant à son dit feu frère : "Va te chier, bavart !" Et en eulx contralyant ilec de parolles injurieuses, ledit suppliant print une plaine borroche de prunes estant ilec, laquelle il gecta à l'encontre de sondit feu frère (Doc. Poitou G., t.10, 1459, 193).

"Bruyère qui croît sur les terres incultes" : ...il y avoit très grans et fors buissons, comme ajaons, brandes et autres boys. (Doc. Poitou G., t.7, 1414, 252). En hayne de quoy ledit Audigier deschargea à terre ledit faiz de brande qu'il avoit à son coul et tira d'icelluy ung grant pal fourché dont il le portoit, duquel en courant impetueusement contre icelluy suppliant, il le voult frapper d'estoc (Doc. Poitou G., t.12, 1479, 245).

Trespasser entre les bras de qqn : ...elle trouva sa dicte fille cheute en la place et de sa cheute et par force de crier et pasmer ou autrement, par default de garde, ait esté si grevée de mal qu'elle n'y congnoissoit comme point de vie, et tantost la porta au feu pour elle chaufer et la cuider faire revenir, mais incontinent elle trespassa entre ses braz. (Doc. Poitou G., t.7, 1413, 241).

"Action de briser, de rompre avec violence" : ...et soit le dit fait et cas advenu par chaleur pour cause du dit bris des diz coffre et chambre, et du dit ravissement de ses dictes lettres et biens (Doc. Poitou G., t.7, 1415, 284).

Au fig. "Action d'interrompre le cours de qqc., rupture" : Et après ce le dit Voisin s'est plaint à la justice du dit lieu et a donné à entendre le dit bris et infraction du dit asseurement. (Doc. Poitou G., t.7, 1418, 334).

"Lieu inculte couvert d'une végétation touffue" : ...et en parlant pluseurs paroles l'un à l'autre, alerent jusques auprès d'une petite brousse d'espines, et illec le dit Jehannot la getta par terre et la congneut charnelment contre son gré. (Doc. Poitou G., t.7, 1411, 208). ...pour avoir fait redrecee par plusieurs personnes ladite bombarde qui avoit esté versee es broces de Rougemont, 15 solz tournois (Comptes Etat bourg. M.F., t.2, 1419, 606).

Cabuser qqn de qqc. "Détourner qqn de l'attention de qqc. par des ruses" : ...le dit Lucas demanda au dit Guillaume Nepveu qu'il lui baillast trois terrins ou godès à boire qu'il avoit, afin qu'il eust matiere de soy departir du dit Martin Archambaut, lequel Martin il avoit cabusé de sa bourse, la quele il avoit par devers soy (Doc. Poitou G., t.7, 1416, 303).

Peine capitale. "Peine de mort" : ...icellui bailli ou son dit lieutenant a condempné le dit Beraut à recevoir et prandre paine capital et d'estre mort, c'est assavoir d'estre boully, ainsi que faulx monnoyers et faiseurs de faulses monnoyes, condempnez à mort, l'ont acoustumé à estre. (Doc. Poitou G., t.7, 1408, 145). ...de faire ordonnance ou ordonnances telle ou telles qu'il verra estre à faire, et les transgresseurs d'icelles pugnir et corriger de peine capital ou autres qu'il verra au cas appartenir (Roi René vie L., 1468, 328). ...se le prevost le requiert, et est che à entendre des fourfais desquelx eschevins ou keuriers poeuvent congnoistre, mais des cas criminelz qui decernent paine capital et qui ne seront venus en jugement ne en congnoissance, l'abbé aurra, s'il luy plest, une fois ou deux en chascun an la franche Verité, qui par ses frans hommes sera faicte, examinée et determinée (Hist. dr. munic. E., t.1, 1469, 256).

"Outil servant à la fabrication des tonneaux" : ...certains ferremens à faire pipes à vin, c'est assavoir un ferrement appellé quarreau et un autre appellé un fer de plenne (Doc. Poitou G., t.7, 1414, 267).

Estre accusé d'un (mauvais) cas : : ...le dit Jehan Bouhet (...) ne fut onques mais accusé d'aucuns mauvais cas et a esté meu de commettre le cas dessus dit par induction d'autrui (Doc. Poitou G., t.7, 1410, 194).

Subst. masc. "Celui qui sert bien et est fidèle à l'Église de Rome et à son pape (p. oppos. aux Églises d'Orient, considérées comme schismatiques et extérieures à l'unique Église)" : ...après ce que comme bons catholiques, les diz Symonneau et ceulx de leur hostel qui sont bien XX. personnes et plus, furent revenus de oïr le service divin de leur dicte parroisse de Legé, où il a bien une grant lieue de distance, et qu'ilz eurent disné, s'en alerent cellui jour par devocion aux vespres à une autre eglise parrochial (Doc. Poitou G., t.7, 1417, 319).

"Écrit, établi sous seing privé ou officiel, portant reconnaissance d'une dette, d'un dépôt ou d'une obligation" : Et toute ce qui fait et passé sera par les noef personnes dessus dites, tant eschevins comme esleus, par le grigneur partie d'eulx se passera en compte et des mises ainsy passées se fera une cedule qui sera signée du signet des eschevins (Hist. dr. munic. E., t.2, 1358, 114). Audit Guiot, la somme de deux mille frans, en plusieurs cedules et lettres, pour convertir ou fait de la despence de madicte dame de ceste presente annee commençant le premier jour de janvier mil IIIIc et dix sept (Comptes Etat bourg. M.F., t.2, 1418, 87). ...le IIIIe compte de Jehan Aubert (...) rendu et cloz en ladicte Chambre des comptes de mondit seigneur à Dijon, feni au derrenier jour de decembre mil IIIIc et trois ou cent et XIe fuillet dudit compte, ainsi comme il appert par une cedule extraicte de la Chambre desdiz comptes (Comptes Etat bourg. M.F., t.1, 1419, 92). ...Gaultier Pradeau, maistre particulier de la Monnoie de Poictiers, sur ce qu'il puet et pourra devoir à cause du proufit et emolument de la dicte Monnoie, et dont le dit receveur general a pour ce baillié sa cedule au commis à faire le contreroole de la dicte recepte generale et en ceste mis son signé (Doc. Poitou G., t.7, 1422, 379). ...ledit Pieret m'a apporté et monstré une sédulle signée dudit de Varye subséquant en date la sédulle dessusdicte (Aff. Jacques Coeur M., 1453-1457, 31). ...avons veu et visité la cédulle de la dicte compaignie par laquelle appert que ledit Jacques Cuer a baillé ausdiz Gimart et Village 22.000 escus et 2.000 que ledit Gimart devoit mectre du sien pour emploier ou fait de ladicte compaignie, et sur le contenu d'icelle a esté mis en termes et en question savoir si veu que c'estoit une seulle compaignie contraicté par Jacques Cuer avec lesdiz Gimart et Village ensemble (Aff. Jacques Coeur M., 1453-1457, 214).

De chaude cole/de chaud sang. "Dans un mouvement de colère, vivement" : ...neantmoins il se doubte que par aucuns nos officiers ou autres il ne soit molestez ou empeschiez, ores ou [au] temps avenir, pour occasion du fait perpetré de chaude cole en la personne de frere Jehan Gauteron, moine de l'abbaye de Saint Michiel en l'Air (Doc. Poitou G., t.4, 1373, 323). Et tantost ledit suppliant hastivement et de chaude cole eust bouté ledit Wadier, dont il chey à terre. (Ch. VI, D., t.1, 1382, 23). Et lors icellui Gilet, meu de chaut sang et par temptacion de l'ennemi, sacha un baselaire ou cousteaulx que il avoit, et en donna ou dit Chauvet un cop sur la teste (Doc. Poitou G., t.7, 1404, 51). Requerant humblement que ce que dit est considere et que le dit fait est avenu par cas de meschief et de chaudecole (Berger Fr. K.-G., 1410, 170). ...et adonc ledit suppliant courut sus audit grant Jehan Beauvoir atout son espée nue, ledit Picart avecques luy, et ilec de chault sang et chaulde colle, tout atainé des coups que ledit Beauvoir luy avoit donnez, en cuidant frapper ledit grant Jehan, frappa ledit Pierre Beauvoir (Doc. Poitou G., t.10, 1460, 258).

Faire chere d'homme + adj. : ...icellui Bourbeau qui faisoit chiere d'omme courcié, dist yreusement au dit Macé : "Haa ! vous alez muaudant, mais par le sang de Dieu, se vous entrez chez moi, vous l'acheterez." (Doc. Poitou G., t.7, 1406, 94).

En partic. [Servant à fermer une porte] : ...une de leurs maisons qui estoit close d'une cheville de boys seulement (Doc. Poitou G., t.7, 1410, 196).

Inf. subst. "Fait de tomber" : ...par le cheoir d'icelui prestre et par un mur ou maisieres ou pierres sur quoy il chey, ou se hurta en cheant, eust esté blecié en son dit visaige à sang et playe (Doc. Poitou G., t.7, 1414, 264).

[D'un vin] : ...les dessus dicts furent grandement servis de potaiges espicez en manière de cyvé, de boueill, roust, de plusieurs manières de viande avec les saulces et espices appartenantes et servis de pain blanc, vin blanc et claret. (Cartul. Laval B., t.2, c.1400, 363). ...est ordonné sur le pris du vin, que pipe de vin de pineau le meilleur ne sera vendu oultre C. solz et au dessoubz. (...) Item, le pot du meilleur vin claret et blanc, oultre VIII. d. (...) Item, la houle de sel, oultre XX. d. (Doc. Poitou G., t.7, 1422, 381).

"Clôture d'un terrain" : ...icelui exposant mena une jument en certains lieux ès quelx il avoit gerbes qui estoient siennes et charga se dicte jument, et pour passer plus aiseement, rompi un pou de cloison de bois qui estoit ou dit lieu (Doc. Poitou G., t.6, 1394, 164). Et pour ce iceulx supplians, esmeuz et courrouciez de ce que dit est, se assemblerent avec autres et alerent à un soir, après jour couchié, au pertuys ou trou d'une haye ou cloison où devoit passer ledit Phelippon, en venant à son hostel, et illecques l'assaillirent (Doc. Poitou G., t.7, 1409, 167). Et tantost après qu'il fut retourné, donna encores de grans menasses ausdiz supplians que (...) il coupperoit certaine grant quantité de arbres fructiers que lesdiz supplians et ledit feu Huguet Guynaut, leur père, avoient plantez et antez en ladicte pièce de terre, disant qu'il en vouloit faire sa clouaison à l'entour d'icelle pièce de terre (Doc. Poitou G., t.10, 1460, 235). ...et s'efforça ledit Estienne Michelet, qui estoit au dedans de ladicte terre, ladicte congnée toute tendue en son poing, comme dit est, de passer hors d'icelle pièce de terre par dessus une vieille haye ou clouaison qui estoit entre lui et eulx, pour venir contre lesdiz supplians. (Doc. Poitou G., t.10, 1460, 237). ...luy et ses coheritiers à cause de certain heritaige à eulx appartenant ont autres fois tractié et appoincté à Jehan dit Johannet, Marcial, (...) de faire certaine cloison, oultre laquelle iceulx du Solier ne seroient tenus de passer pour venir audit heritaige audit suppliant appartenant et à ses consors, sans leur congié et licence. (Doc. Poitou G., t.12, 1480, 333). Lequel Petitcru qui oyt ledit cry dist audit Paton suppliant qu'il allast aider audit James et que estoit en neccessité, ce qu'il fit, et en y allant print ung [pal] à une palice ou cloison estant en son chemin et vint à l'assemblée. (Doc. Poitou G., t.12, 1483, 598).

"Petite tige de métal, généralement pourvue d'une tête, utilisée pour fixer ou orner qqc." : ...1 cent de clou de tollac de fer. (Clos galées Rouen M.-C., t.2, 1359, 148). ...un peu de clou à couronne pour engins (Compte Navarre I.P., 1367-1371, 60). A Pierre Rastel, clouetier, pour 8 milliers de clou a paille a lui pris pour la neccessité dudit clos (Clos galées Rouen M.-C., t.2, 1380-1389, 198). ...la vendue de 38 livres pesant de clou estoupperol par lui livré audit clos des galees (Clos galées Rouen M.-C., t.2, 1388, 184). ...150 livres pesant de clou de banquette (Clos galées Rouen M.-C., t.2, 1388, 188). ...112 livres et demie de clous de marchepiés (Clos galées Rouen M.-C., t.2, 1388, 188). ...180 livres pesans de clou de tonlac fait de fer d'Espainge (Clos galées Rouen M.-C., t.2, 1388, 188). ...pour 91 livres et demie pesant de clou pour les chapons, de clou pour les soubtes vhanges, de clou de bataille (Clos galées Rouen M.-C., t.2, 1389, 191). ...pour 51 livres pesans de clou de coursiere et de clous faitis audit pris (Clos galées Rouen M.-C., t.2, 1389, 194). ...a Colin Bacquet pour VIIIcc de tieulle et XI noes, Ic et demi de laitte a couvrir la dicte alée (...) a Maheut Viebert pour Im de clou a paille (Comptes Archev. Rouen J., 1399-1400, 41). Audit Jehan, pour 300 cloux lattrés prins pour relatter les logiz desdiz sauldoiers, à deux gros pour cent, sont 6 solz ; Audit Jehan, pour 1200 de claux lattrés pour reclauer en pluseurs lieux les ediffices et logis dudit chastel, à quatre gros pour cent, monte 48 solz (Comptes Etat bourg. M.F., t.3, 1418-1420, 626). ...deux milliers de claux sanz teste pris pour clauer les aisselles de lambroissaige de ladicte salle (Comptes Etat bourg. M.F., t.3, 1418-1420, 626). ...trois quartrons de cloux picars (Comptes Etat bourg. M.F., t.3, 1418-1420, 627). Item, fer pour asne rendu ferré, oultre X. d. Item, pour relever le fer d'un asne IIII. d. Item, milier de clo reforcié à late, oultre VIII. s. IIII. d. Item, miler de clo à bec d'ane reforcé, oultre XXX. s. Item, milier de clo palaterret, oultre XII. s. VI. d. Item, milier de clo à porte, oultre LX. s. (Doc. Poitou G., t.7, 1422, 387). A Guillaume Ridoualle, portier, pour ung estrieu et pour plusieurs clous a roes mis au bennel (Comptes Archev. Rouen J., 1440, 221). A Fristequay, marchant de clou, pour clou livré par lui pour couvrir la tournelle du pallès, premièrement pour clou de V l., clou a late (...) Item pour IIII milliers de clou a paille (...) Item de clou a plon (Comptes Archev. Rouen J., 1440, 221). ...III lb. et demie de clou a quareste pour le banel (Comptes Archev. Rouen J., 1440-1441, 228).

Part. passé en empl. adj. "Vérifié sur l'original" : ...450 frans, qu'il a receuz comptant par quatre de ses quictances cy rendues montant à la dicte somme de 450 frans, avec cinq certifficacions des maistres d'ostel de mondit seigneur et coppie collacionnee des lettres de sa retenue et ordonnance (Comptes Etat bourg. M.F., t.1, 1419, 29). Et pour ce que plusieurs de nos diz conseillers et officiers pourroient avoir à faire de ces presentes en diverses causes, en divers auditoires et en un mesme temps, nous voulons et ordonnons que aux vidimus ou transcrips d'icelles, deuement faiz et collacionnez soubz seaulz royaulx et autentiques, foy soit adjoustée par tout, comme à ce present original. (Doc. Poitou G., t.7, 1425, 422). ..nous voulons que, au vidimus d'icelles fait soulz le seel autenticque ou copie collationnée et signée de l'un de noz secretaires, foy soit adjoustée comme à ce present original. (Hist. dr. munic. E., t.3, 1487, 519). ...ainsi que verrez par le double des articles collacionnez à l'original (Lettres Ch. VIII, P., t.2, 1488, 107).

"Mandement écrit pour accomplir une mission" : Jehannin Fromont, orfevre (...) amené par Jehan Charpentier et Geuffrin Poteron, sergens à cheval par vertu de certaine commission sellée (Industr. Paris F., 1411, 314). Et après plusieurs paroles eues entre eulx, le dit exposant, tenant en sa main la commission de sa dicte ferme et aussi un petit coustel à trencher pain, qu'il avoit prins d'aventure sur une table du dit hostel, monstra sa dicte commission au dit Jehan Voisin, l'ainsné, et aux autres qui avecques lui estoient, en leur signifiant qu'il estoit fermier de la dicte ferme dudit IIIIe (Doc. Poitou G., t.7, 1418, 334). ...fut icelluy missire Andry contrainct et excécuté de paier ladicte somme par Anthoinet de Lacourt, huissier de sale de mondit seigneur de Bourbon, par vertu d'une commission patente de mondit seigneur de Bourbon (Aff. Jacques Coeur M., 1453-1457, 245). Oultre plus, a fait ledit suppliant acroire aux subgetz de ladicte chastellenie de Faye qu'ilz estoient imposez ès commissions de noz tailles et aides, mesmement en celles du sel, et pour mettre iceulx subgetz hors d'icelles commissions, ou quoy que soit, faignant les en mettre hors, icellui suppliant a prins et exigé d'eulx plusieurs sommes de deniers. (Doc. Poitou G., t.11, 1465, 24).

Femme de vie et commune. "Femme publique" : ...Jaques Ferré, frere du dit Jehan Ferré, avoit leans mené une jeune femme de vie et commune (Doc. Poitou G., t.7, 1415, 288).

"Qui ne s'élève pas au-dessus de l'ordinaire, que l'on trouve partout" : Item, est ordonné que (...) chaponneau, oultre II. s. VI. d. (...) Item, poulet commun, oultre XV. d. Item, cochon de lait commun, oultre IIII. s. II. d. (...) Item, perdris retille, oultre II. s. Item, une assée, oultre XII. d. (Doc. Poitou G., t.7, 1422, 385).

Au fig. "S'expliquer, se justifier (?)" : ...et avoit le dit Thomas son espée toute nue en sa main, en disant : "Ribaut, il est temps de compter". Et lors le dit Audouart se revyra vers eulx, et quant il les vit ainsi revenir vers lui, il ot moult grant paour (Doc. Poitou G., t.7, 1413, 234).

"Registre double que l'on tient pour la vérification d'un autre" : ...desquielx deniers certaine despense a eté faicte par ledit Jacquet et Perrinet de Villers en venant de Navarre en France, laquelle est comptée par un item et contenue en deux contreroulles seellés du seel de Messire Jehan de Crevecuer, maistre dostel (Compte Navarre I.P., 1367-1371, 56). ...tous les deniers (...) qui ysteront des condamnations (...) nous voulons estre bailliez (...) par bon inventoire ou contrerolle à (...) nostre receveur général (Ch. VI, D., t.1, 1411, 340). ...Gaultier Pradeau, maistre particulier de la Monnoie de Poictiers, sur ce qu'il puet et pourra devoir à cause du proufit et emolument de la dicte Monnoie, et dont le dit receveur general a pour ce baillié sa cedule au commis à faire le contreroole de la dicte recepte generale et en ceste mis son signé (Doc. Poitou G., t.7, 1422, 379). Il est apparu de tout le contenu en ce chapitre, tant du costé d'amont l'eaue que du costé d'aval l'eaue, par le contreroule de Me Estienne Coulon, procureur du Roy et de la ville sur le fait de la marchandise, cy rendu. (Comptes Paris V.L.D., t.1, 1440-1441, 206).

Estre en convalescence : ...icelui exposant, pour desplaisance qu'il avoit de ce qu'il estoit hors de sa nacion, a esté malade à diverses foiz par l'espace de quatre ans et demi ; et quant il a esté en convalescence et santé, acquis tous les moiens qu'il a peu pour soy retraire en nostre obeissance (Doc. Poitou G., t.7, 1428, 437).

"Matière dure (qui forme les cornes et les sabots des animaux) utilisée dans la fabrication d'objets" : Une ymage de nostre dame, d'ivoire, séant en une chayère noire, qui est de corne ou de os noir. (Comptes Lille L., t.2, 1420, 238). Item, est ordonné que une bonne neuve celle, sans ouvrage de corne, garnie d'estriez et d'estrevieres, ne sera vendue oultre XXXV. s. Item, une bonne bride neuve, garnie de deux longes, oultre XV. s. Item, uns mors de bride tous plains, oultre V. s. (Doc. Poitou G., t.7, 1422, 390). ...six tablettes de bois couvertes de corne noire pour servir à iceulx messeigneurs et receveur pour mettre par memoire plusieurs choses qui surviennent touchant les affaires de ladite ville, c'est assavoir pour lesdites six tablettes garnies chacune de huit fueillets de bois accouplés, couverts de corne noire, au pris de 10 s. p. la piece, valent 60 s. p. ; item, pour 2 onces et 6 estellins d'argent que poisent les six couplets et six greffes dont sont fermées lesdites six tablettes, au pris de 8 francs 10 s. p. le marc, valent 40 s. 11 d. ob. p., et pour la façon de l'orfeuvre qui a fait lesdits couplets et greffes pour escripre (Comptes Paris V.L.D., t.1, 1445-1446, 468). ...Pierre de Blumay, faiseur de cornets de corne à escriptoire (Comptes Paris M., t.2, 1470-1471, 231).

En partic. Tuile corniere. "Tuile courbée qu'on place à l'angle des toits" : Item, est ordonné que pipe de chau ne sera vendue oultre X. s. Item, cent de sable, oultre XXXV. s. Item, cent de bournaie, oultre XXV. s. Item, milier de tieuble corgné, oultre XXV. s. Item, milier de tieuble plate, oultre XLV. s. Item, miler de carreau de demi pié, oultre XXV. s. Item, cent de late sangle, oultre II. s. VI. d. (Doc. Poitou G., t.7, 1422, 387).

Homme de petite et faible corpulence : ...Nicolas Saimbiaut, homme de très petite et foible corpulance et de bonne et raisonnable vie (Doc. Poitou G., t.7, 1417, 314).

PEAUSS. "Apprêter le cuir après le tannage, en lui donnant de la souplesse" : ...est ordonné que les couroieurs qui fourniront de toutes gresses pour courroier la XIIne de cordouan, n'auront oultre XXVII. s. VI. d. (Doc. Poitou G., t.7, 1422, 383). À Colas, le pelletier, baillé VI g. par le commandement de monseigneur, pour avoir fait corroyer une peau de lyopart (Comptes roi René A., t.2, 1478, 163).

"Terre qui avoisine le rivage de la mer" : Et tantost que le dit religieux fu ainsi chargié, le dit Viau tout seul le mena jusques à la rive de la mer, à la couste de Brandoys, à l'endroit d'un lieu appellé la Sauseye, et yllecques le geta en la mer, et croit qu'elle l'ait enmené. (Doc. Poitou G., t.7, 1405, 72).

Inf. subst. "Action de se mettre au lit" : ...Monseigneur, pour ce que vous m'avez fait dire que je feusse à vostre couchier et lever tous les jours, je y suis venu (Doc. Poitou G., t.7, 1421, 366).

Empl. pronom. "Se glisser doucement et sans bruit" : ...le dit Jehan Moret prist la dicte fourche à ses deux mains et en se coulant au long d'icelle, prist le dit suppliant par le corps et par force l'abaty à terre, et le mist soubz lui et en sa subjection, en lui mettant le genouil sur la gorge, et du pié lui fouloit le ventre, et le frappoit tant qu'il povoit. (Doc. Poitou G., t.7, 1413, 237).

"Teint du visage" : A laquelle le dit Jehannot dist, comme dolent, ou paroles semblables : "Tu viens de toy faire hocher à tel, je le croy bien, car je l'ay veu avecques toy ou vergier dont tu viens." La quelle fu moult honteuse et lui mua la coulour, en lui disant : "Faictes de moy ce que vous vouldrez, car il est verité." (Doc. Poitou G., t.7, 1405, 75).

Faire courroucer qqn : ...le dit Jehannot dist à la dicte Thomasse qu'elle alast aprester à souper pour Jehan Chavant, pere du dit Jehannot, qui estoit viez et impotent, la quelle lui respondi qu'elle avoit plus chier aler avec les autres jeunes femmes pour dancer. Et lors le dit Jehannot lui dist que, s'elle y aloit, qu'il la feroit couroucie (Doc. Poitou G., t.7, 1405, 74).